ლონდონში "ცოცხალი ქანდაკებისთვის" 2500 მოხალისეს ეძებენ ბრიტანელმა სკულპტორმა ენტონი ჰორმლიმ გამოაცხადა, რომ 2400 მოხალისეს ეძებს, რომლებიც უნიკალური "ცოცხალი სკულპტურის" შექმნაში უნდა დაეხმარონ. ხელოვნების ნიმუში ტრაფალგარის მოედანზე 100 დღის განმავლობაში უნდა იდგეს - 2009 წლის 6 ივლისიდან 14 ოქტომბრამდე. ნებისმიერ დაინტერესებულ პირს, რომელიც გაერთიანებული სამეფოს მაცხოვრებელია და პროექტში მონაწილეობა სურს, დარეგისტრირება ინტერნეტით შეუძლია. სკულპტორმა განაცხადა, რომ ტრაფალგარის მოედანი ყველაზე შესაფერისი ადგილია თანამედროვე გაერთიანებული სამეფოს პორტრეტისთვის. მთავარი მიზანი კი ისაა, რომ აიძულოს ადამიანები (ისინიც, ვინც პროექტში უშუალო მონაწილეობას არ მიიღებენ), დაფიქრდეს, რას გააკეთებდა, თუ ხალხმრავალ ადგილას თავს მარტო იგრძნოდა. ლონდონის მერია, რომელმაც პროექტ "ერთი და სხვას" მხარი დაუჭირა, უკვე მეოთხე წელია, თანამედროვე ხელოვანთ თავიანთი ნამუშევრებისთვის ტრაფალგარის მოედნის მეოთხე კვარცხლბეკს სთავაზობს.
|