მიხეილ სააკაშვილი - რადიკალურ ოპოზიციაში გამოიკვეთნენ ჯგუფები, რომლებიც მეტი პასუხისმგებლობით უყურებენ ვითარებას
|
| 18.05.2009, 20:51 |
საპარლამენტო უმრავლესობასთან დღევანდელ შეხვედრაზე პრეზიდენტმა მიხეილ სააკაშვილმა რადიკალური ოპოზიციის მიდგომებზე ისაუბრა.
როგორც ქვეყნის პირველმა პირმა განაცხადა, რადიკალურ ოპოზიციაში გამოიკვეთნენ ჯგუფები, რომლებიც მეტი პასუხისმგებლობითა და რეალობის გრძნობით უყურებენ ვითარებას, თუმცა არიან ისეთებიც, ვინც მიიჩნევს, რომ უკან დასახევი გზა არ არის და ქვეყანას პარალიზებით ემუქრებიან.
სააკაშვილის მიიჩნევს, რომ ეს ჯგუფები საზოგადოებას ატყუებენ. მისივე თქმით, ხელისუფლებას ბევრი სხვა რამ აქვს გასაკრიტიკებელი, მაგრამ ოპოზიციური ჯგუფები ყურადღებას ამაზე არ ამახვილებენ და ხელისუფლების მისამართით „ლაფს ისვრიან“.
პრეზიდენტის ინფორმაციით, ქვეყანაში მიმდინარე პროცესების ერთ-ერთი აქტიური დამფინანსებელი კრიმინალურ წრეებში ავტორიტეტად ცნობილი ბონდო შალიკიანია.
„თუ ვინმეს შევარდნაძე მოენატრა, შეუძლია, კრწანისში მოინახულოს. დღეს ის ხალხი გვასწავლის ჭკუას და ხელისუფლებაში მოსვლა სურთ, რომელთა მმართველობის პერიოდში ქვეყნის ძირითადი ექსპორტი ჯართი იყო. თუ ვინმეს ჯართის ჩაბარება უნდა, ბევრი გალიებია, დაჭრან და ჩააბარონ“, - განაცხადა სააკაშვილმა.
პრეზიდენტმა საპარლამენტო უმრავლესობას სწორი მოქმედებისთვის მადლობა გადაუხადა. „საქართველომ კიდევ ერთი ტალღა გადაიარა და დაამტკიცა, რომ სახელმწიფოა. იყო ილუზია, რომ პოლიციასა და ჯარში განხეთქილება იქნებოდა, მაგრამ ასე არ მოხდა“, - აღნიშნა პრეზიდენტმა.
|
|
კატეგორია: News | დაამატა: bimbo
|
| ნანახია: 629 | რამოტვირთვები: 0
| რეიტინგი: 0.0/0 |
|