ნინო ბურჯანაძე: ხელისუფლების მხრიდან ჟურნალისტების ღირსების დაცვაზე საუბარი ცინიკურია“დემოკრატიული მოძრაობა-ერთიანი საქართველოს” ლიდერის, ნი
|
| 14.05.2009, 17:27 |
| “დემოკრატიული მოძრაობა-ერთიანი საქართველოს” ლიდერის, ნინო ბურჯანაძის განცხადებით, მისთვის “პირველი არხის” შენობის წინ გამართული აქციის მთავარი მიზანი ტელევიზიის პიკეტირება და “სირცხვილის დერეფნის“ მოწყობა იყო. “ვწუხვარ, რომ დისკომფორტს ვუქმნით იქ მომუშავე ჟურნალისტებსა და ტექნიკურ პერსონალს, რომელთგანაც აბსოლუტური უმრავლესობა ნამდვილად ღირსეული ადამიანია, მაგრამ გარწმუნებთ, პრეზიდენტის თითის დაქნევა და მუქარის ტონით ლაპარაკი რომ არ ყოფილიყო, რომ ის თურმე ჟურნალისტებს დაიცავს, დღეს დილით პიკეტი ალბათ არ შედგებოდა”, _ განაცხადა ნინო ბურჯანაძემ და დასძინა, რომ ჟურნალისტების ღირსებაზე ლაპარაკი იმ ადამიანებისგან, რომლებმაც პრაქტიკულად სიკვდილის პირას მიიყვანეს ჟურნალისტიკა და დღემდე ცდილობენ, რომ თითქმის ყველა ჟურნალისტი საკუთარ კონტროლს დაუქვემდებარონ, უბრალოდ ცინიკურია. “ჩვენ არ ვაპირებთ ეს ცინიზმი მოვითმინოთ”, _ აღნიშნა ნინო ბურჯანაძემ.
|
|
კატეგორია: News | დაამატა: bimbo
|
| ნანახია: 562 | რამოტვირთვები: 0
| რეიტინგი: 0.0/0 |
|